SUBVENCIÓN DE 1.000 EUROS PARA MATERIAL INFORMÁTICO PARA A ASOCIACIÓN VECIÑOS DE AMORIN

A Asociación Veciños de Amorín, solicitou diante da Deputación Provincial de Pontevedra, unha subvención para poder comprar un equipo informático, dentro do programa Plan de Acción Rural.

Esta subvención, foille concedida e desta maneira, esta Asociación pretende dotarse cunha mínima infraestrutura informática para poder ofrecer mellos servizos os veciños de Amorin.

O vindeiro 16 de setembro, comezará na Casa dos Mestres de Amorin, a actividade de baile moderno, dirixida a nenos e nenas.

Poden apuntarse os rapaces e rapazas que teñan entre 8 e 14 anos.

As prazas son limitadas, xa que o número máximo é de 15 persoas. A inscrición será por orde de entrada.

Esta actividade terá lugar de 18h00 a 19h00.

O prezo é de 12 € por mes.  A inscripción no enderezo avdamorin@gmail.com e no teléfono 698 170778

Xa se encontra a vosa disposición o boletín informativo que mensualmente edita esta asociación.

.

Si queres baixalo fai click aqui

Folla informativa Setembro 2011    [27]
    Folla informativa Setembro 2011

A Federación de Asociacións Terra Miño, convoca unha nova edición do Curso de Bolillos.

O curso comezará o vindeiro martes 4 de outubro.

Este curso, que se ven impartindo na Casa da Cultura de Tomiño, terá lugar cada venres, de 16h30 a 19h30 da tarde.

As prazas son limitadas. Haberá un máximo de 12 persoas en cada quenlla. Se houbera moita afluencia, faríase outro curso en paralelo.

Poden anotarse todas as persoas que o soliciten, interesadas na aprendizaxe desta arte manual.

O prezo do curso é de 25 euros por mes.

Os membros das asociacións pertencentes á Federación (Asociación Veciños de Amorín, Asociación Veciños de Carregal, Asociación Veciños de Currás, Asociación de Veciños de Sobrada, Asociación Veciños de Taborda, Asociación Veciños de Barrantes, Asociación Veciños de Pinzás e Asociación Veciños O Árbol de Vilachán), só deberán pagar 15 euros.

O teléfono de contacto, para anotarse é 699 198853.

A Asociación Veciños de Amorín, recolleu na Coruña, doce caixas de libros, doados por Bibliotecas Municipais da Coruña.

Os libros, na maior parte de temática infantil e xuvenil, estarán a disposición de todos, en canto sexan inventariados.

As doce caixas de libros doadas, pasarán a formar parte dos libros que, pouco a pouco, van conformando a biblioteca de Amorín.

Dende aqui queremos agradecer a aportación doada pola Biblioteca municipal da Coruña por axudar e contribuir  a construir unha biblioteca pública en Amorin.